Les mots surlignés font l'objet d'une note
1Monsieur de Montlehuc, j’ey veu par ung acte fayct en la meyson de
2l’éleu de Die la demande que leur avés faycte pour le payement
3de vostre estat IIIc LX livres pour moys et que pour le moys de
4septembre, vous avés eu six viintz soldatz que demandés estre payés
5à reyson de IX livres pour jour, sus quoy je ne vous puis celer
6que je trouve vostre estat bien excessif car n’y a lieutenant de roy en
7province de France qui laye pareill ains depuis deux ans
8ont tous esté retranchés à deux mille livres l’année, et l’année
9réduitte à huit moys. Quant au nombre des six vintz soldatz, je
10vous estime si homme de bien que je n’en doubte poynt, aussy avey-je
11volu envoyer un commissaire conterroleur puis que vous
12estes l’ung de ceulx qui tenés la main que abbus ne s’y fasse
13au nombre des gens de guerre quant vous y estes employé, mays je
14vous prie le fayre quelques foys eoyr à ceulx de la ville par plusieurs
15reysons que vous entendés assés icy, veu aussi par ledit acte
16qu’ilz vous fournissent du boys, je vous prie monsieur de Montleheu
17comme tel amy que je vous suis de vouloyr vous contenter de la reyson
18car, venant telles choses à la cognoissance de noz supérieurs,
19elles seroyent trovées peu reysonnables et si je n’en seroys excusable
20et n’estant ceste pour autre, je me recommande etc…